Младата фудбалска репрезентација на Франција за играчи до 21 година во комплетен состав ќе допатува во Скопје, за дуелот против Македонија од квалификациите за ЕП 2023. Селекторот Силвен Рипол го објави списокот на играчи и таму се наоѓа и првата ѕвезда на оваа генерација, Едуардо Камавинга од Реал Мадрид. Ќе дојде и голманот Мелие, кој му беше клупски клега на Алиоски во Лидс.
Младите Французи дома славеа против Македонија со 3-0. Мечот на арената „Тодор Проески“ во Скопје се игра на 16 ноември, откако пет дена претходно екипата на селекторот Драги Канатларовски ќе ја пречека и Украина.
