Женската фудбалска репрезентација на Македонија до 19 години со победа го отвори квалификацискиот турнир, кој се одржува во Хрватска. Нашите млади фудбалерки на стадионот во Лучко славеа со минимални 1-0 над врсничките од Литванија.
Единствениот гол на мечот всушност беше автогол на Сапаите во 92-рата минута. Следниот меч за Македонија на турнирот во Хрватска ќе биде во петок, кога за противник ќе ја имаме селекцијата на Ерменија, која беше поразена од домаќинот, Хрватска, со 6-0.
Мечот кој најверојатно ќе одлучува за првото место во групата и пласман во Елитната рунда, против Хрватска, на програмата е во понеделник, со почеток во 12:30 часот на стадионот во Карловац.
