Младата фудбалска репрезентација на Македонија денеска на арената „Тодор Проевски“ од 18 часот ќе се соочи со Фарски Острови. Иако момците на Драган Канатларовски речиси и да немаат никакви шанси за пласман на Европското првенство идната година, би било убаво да се добие оваа средба.
Македонија во моментов во групата „Х“ има шест бода и е на делба на четврттото место со оваа островска земја, додека пред нас се Србија (8), Украина (13) и Франција која што има 19 бода.
Вклучувајќи го и денешниот, Македонија има три средби кои што треба да ги одигра до крајот на групната фаза и речиси невозможно е да се обезбеди второто место.
