Ракометната репрезентација на Македонија до 19 години денеска против Грузија од 17.30 часот го игра последниот меч од групата Ф на Светското првенство што се одржува во Хрватска.
Избраниците на селекторот Раде Стојановиќ, по вчерашната победа над Црна Гора (29:20), со денешна победа над аутсајдерот во групата, повеќе од сигурно е дека ќе обезбедат пласман во главната рунда на СП до 19 години.
Македонија во првото коло загуби тесно од Норвешка со 27:25, додека Грузија доживеа два убедливи порази во првите две кола, од Црна Гора со 34:19 и од Норвешка со 38:24.
Младите ракометари се апсолутни фаворити денеска, квотата за триумф изнесува 1.01, а хендикепот е триумф од 12.5 гола разлика.
