Прекрасниот гол на Дашмир Елези со кој Македонија поведе со 1-0 против Шведска не беше доволен за да се избегне пораз во мечот од петтото коло од квалификациите за ЕП за фудбалери до 21 година.
Швеѓаните со два брзи гола на Оморова во 32-рата и во 33-тата минута направија пресврт, а потоа во второто полувреме на средбата во Битола дадоа уште два гола и на крајот славеа со убедливи 4-1.
Македонија има само три бода од пет меча, следниот меч е на 18-ти против Полска, од која на гости загубивме 0-3, пораз кој заедно со денешниот се најубедливи за тимот на Горан Станиќ во циклусов.
