Лука Модриќ ја игра последната сезона во Реал Мадрид, а екипата се подготвува за „живот“ и по Хрватот. Токму затоа Модриќ често не е во стартниот состав, но кога е густо и Реал треба да брка резултат и да се спасува, во игра влегува искусниот Хрват.
Така беше и синоќа, на реваншот против Баерн Минхен. Гостите дадоа гол во 68-мата минута, а веднаш потоа на теренот се најде Модриќ. Главна задача на Модриќ е да креира опасни напади, но искусниот 38-годишен Хрват се покажа како херој, и тоа во дефанзивните задачи.
Се играше 85-тата минута кога Модриќ изведе корнер, а играчите на Баерн Минхен ја исфрлија топката од својот шеснаесетник и брзо тргнаа во контранапад. Дури четворица играчи на Баерн тргнаа во напад, а пред нив беше само Менди како дефанзивец на Реал.
Во тој момент од аголот од каде што се изведува корнерот, и Лука Модриќ тргна во дефанзива. Иако има 38 години, Модриќ истрча спринт и точно навреме стигна да ја освои топката во моментите кога гостите беа во ситуација да постигнат гол. Едноставно, Модриќ покажа како никогаш не смее да се откажува и дека секој истрчан метар може да е клучен.
For me, this is the key moment of the game today and no one will talk about it.
Look at where modric was at the start of the counter attack, 38 year old player.
1 minute later Madrid scored. pic.twitter.com/nSC2tT53wh
— FUT-Deepview (@FUTDeepview) May 8, 2024
