Лука Модриќ со голот кој го постигна вечерва на гостувањето кај Австрија стана највозрасниот фудбалер кој дал гол за репрезентацијата на Хрватска.
Плејмејкерот на Реал Мадрид има 37 години и 16 дена, со што го надмина досегашниот рекорд на Нико Ковач, кој во дресот на Коцкестите даде гол кога имаше 36 години и 327 дена.
Лука ја затресе мрежата на Австријците во шестата минута, но радоста траеше кратко. Најпрвин Баумгартнер изедначи на 1-1 во деветтата минута, а во 16-тата играта мораше да ја напушти Марцело Брозовиќ. Брозовиќ е еден од клучните играчи во тимот и ако повредата е посериозна, тоа би било хендикеп за Хрватска на Мундијалот кој почнува за неполни два месеца.
https://twitter.com/i/status/1574111669080530945
