Во недела на „Енфилд роуд“ играат Ливерпул и Арсенал, а Мохамед Салах смета дека „топчиите“ се фаворити, не само на овој меч, туку и воопшто за освојување на титулата.
„Арсенал е фаворит, тоа го кажав и претходно. И на доделувањето на наградите кажав дека тие се фаворити, затоа што имаат состав кој игра заедно веќе пет до шест години. Имаат и тренер кој е таму пет или шест години. Кога екипата е толку долго време заедно, се станува полесно. Кај другите екипи, како нашиот или Манчестер сити, често се менуваат фудбалерите и понекогаш тоа е тешко. Сепак, екипите кои ги предводи Пеп Гвариола секогаш се фаворити. Сепак, моето мислење е дека Арсенал е број еден.“ – рече Салах.
Мечот на „Енфилд роуд“ се игра во недела со почеток во 17:30 часот.