Околу 4.500 симпатизери со молитва во Катедралата во Келн му посакаа добар почеток на домашен терен на новиот Бундеслигаш, но Борусија Дортмунд беше подобра и победи со 3:1, во меч од второто коло.
Стандардно како и секогаш на истото место се пееше химната на Келн, пред првиот домашен меч во сезоната, а глетката беше импресивна.
Wenige Stunden vor dem ersten Heimspiel des @fckoeln haben 4.500 Fans im Dom für eine gute Saison und einen fairen Verlauf gebetet. pic.twitter.com/kowTHPK6ky #KOEBVB
— Deutschlandfunk Sport (@DLF_Sport) August 23, 2019
И на стадионот „Рајн Енерџи“ во Келн имаше спектакуларна атмосфера, но вицешампионот Борусија Дортмунд беше немилосрден и победи со 3:1.
За Келн поради повреда не настапи македонскиот репрезентативец Дарко Чурлинов. На последниот тренинг пред мечот 19-годишниот напаѓач се пожалил на проблем со листот на ногата, па не беше ниту на клупата за резерви.
Келн водеше со 1:0 по првото полувреме, но прими три гола во продолжението и го претрпе вториот пораз на стартот од новиот шампионат во Германија.
