Вкупно 81.796 плишани играчки беа фрлени на хокеј теренот за време на мечот од американската хокеј лига (АХЛ) во Пенсилванија на дуелот меѓу Хершеј беарс и Рокфорд.
Од 2001 година, тимот на Хершеј беарс има традиција на почетокот од новата година да го организира овој момент кога навивачите од сите трибини фрлаат плишани играчки и тоа во моментот кога ќе биде постигнат првиот гол на средбата.
За првиот погодок не се чекаше многу, бидејќи по само три минути игра беше постигнат голот, а тоа беше и знак за почеток на шоуто и сите плишани играчи да бидат фрлени на мразот.
Сите играчки кои беа собрани ќе бидат дадени во повеќе од 60 локални добротворни организаиции.
На крајот, домашниот тим славеше победа од 5:4, во лигата која е подружница на НХЛ, што значи дека ова не беше дуел од најквалитетното хокеј првенство во САД.
