Кошаркарите на Денвер нагетс уште еднаш покажаа зошто се актуелни НБА-шампиони откако и третпат по ред ја совладаа Минесота, овојпат со 112-97, за водство од 3-2 во серијата. Шампионот лошо ја отвори серијата со два домашни порази, но следуваа двете победи на гости, а сега серијата се врати во Денвер и веќе на следниот натпревар може да обезбедат конференциско финале.
Никола Јокиќ покажа зошто беше прогласен за МВП и со 40 поени ја предводеше својата екипа до победата. Србинот додаде и седум скока и 13 асистенции. Она што е интересно, Денвер успеа да ги добие сите четири четвртини.
Водство од 3-2 во серијата имаат и кошаркарите на Њујорк никс, кои со убедливи 121-91 ја победија Индијана пејсерс на домашен терен. Убедливо најдобар на теренот беше Брансон со 44 поени, а колку за споредба, најдобриот стрелец на Индијана, Сијакам, уфрли двојно помалку поени, односно 22.
