Капитенот на шпанската фудбалска репрезентација, напаѓачот Алваро Мората, ги мина медицинските тестови кои ги правеше во Мадрид и сега му останува само уште да стави потпис на четиригодишниот договор со Милан.
Милан на Атлетико Мадрид ќе му плати 13 милиони евра. Тоа ќе биде трето италијанско искуство во Серија А за напаѓачот, по двата престои во Јувентус. Мората е врзан за Италија и со тоа што неговата сопруга е Италијанка.
Тој би можело да дебитира за Росонерите на 13 август, на трофејот „Берлускони“, четири дена пред првиот натпревар од шампионатот, на домашен терен против Торино.
„Едноставна е причината што се решив за Милан: довербата од Златан, од тимот, од тренерот. Едвај чекам да почнам. Сега одам на одмор со семејството, мора да бидам со нив, многу ми помогнаа периодов, инаку ќе тренирав уште од утре. Ми претстојат најдобрите години во кариерата, мило ми е што сум во голем клуб како Милан“, изјави Мората.
