Репрезентацијата на Шпанија ја победи Норвешка со 0-1 на гости и си го визираше билетот за Европското првенство во Германија. Единствениот погодок на мечот го постигна Гави, но Шпанците во првото полувреме постигнаа погодок, кој по вина на Алваро Мората беше поништен.
Во 20-тата минута од мечот една навидум неопасна топка се одби од норвешкиот дефанзивец Стандберг и таа одеше во празната мрежа на Норвешка, но тогаш сосема непотребно Мората натрча и само неколку сантиметри пред да влезе во голот силно ја шутна. Голот оправдано беше поништен бидејќи Мората беше во офсајд, но ќе беше признат доколку тој не играше со топката.
На крајот, сепак, се заврши добро за Шпанија, но и за Шкотска, која се пласира на Европското првенство благодарение на победата на Шпанците.
