Поранешниот напаѓач на Реал Мадрид, Фернандо Мориентес, изрази доверба во Килијан Мбапе, и покрај критиките насочени кон францускиот напаѓач.
„Тој досега постигна 10 или 11 гола. Јас ја завршив првата сезона во Реал Мадрид со 12 погодоци и бев најдобар стрелец на тимот. Проблемот со Мбапе е што нè има разгалено со своите изведби, но уверен сум дека ќе се врати на своето најдобро ниво“, изјави Мориентес.
За тековната сезона во Ла Лига, тој вели дека сепак Реал ќе ја одбрани титулата.
„Не знам кој ќе биде во топ 4 на крајот од сезоната. Би сакал Реал Мадрид да стане шампион, а Валенсија да заврши на второ место, но Валенсија е во тешка ситуација. Се надевам барем дека тимот нема да испадне. Во битката за првото место сигурно ќе бидат замешани Барселона и Атлетико Мадрид, а зад нив има цела група многу добри екипи. Ми се допаѓа начинот на кој играат Атлетик Билбао и Реал Сосиедад“, истакна поранешниот шпански репрезентативец.
