За првпат откако доби отказ од Јувентус јавно проговори тренерот Тијаго Мота, и во интервјуто за „Кориере дела сера“ истакна дека се чувствува разочаран што не му било дадено доволно време за да го развие својот проект.
Мота седна на клупата на Јуве пред почетокот на сезонава, но лошите резултати и наводниот конфликт со некои од главните играчи придонесоа за предвремена разделба.
„Секако дека сум разочаран, не ни одеше како што се надевавме, особено во Купот на Италија и Лигата на шампионите. Но, не се согласувам кога слушам дека се зборува за неуспех. Соработката беше прекината кога бевме на еден бод од четвртото место на табелата, а пласман во ЛШ беше приоритетна цел на почетокот на сезоната. Кога потпишав договор на три години мислев дека ќе го добијам тоа време за развивање на проектот со радикално подмладување. Но, знам дека во голем клуб како Јувентус, победата е императив и, особено после неколку сезони без големи успеси. Не се снајдовме добро и тие легитимно избраа друг пат. Се зборуваа неприфатливи работи дека играчите биле против мене, тоа не е вистина“, вели Мота.
