Челзи и Манчестер јунајтед повторно ремизираа, петти пат по ред во Премиер лигата, овојпат во драматичен финиш.
Наивен фаул на Стив Мектоминеј во 87-та минута и тоа во дуел без топка против Армандо Броја и погоден пенал на Жоржињо го донесоа Челзи на прагот на голема победа против Манчестер јунајтед во дербито на Англија, но Каземиро со деби гол за гостите израмни во 94. минута.
До овој меч двете екипи имаа традиција да ремизираат и последните четири нивни натпревари завршуваа без победник, а и на овој вечерва немаше победник на „Стемфорд Бриџ“.
За да не биде 0:0 се погрижи Мектоминеј со наивен кикс, кога со раце го држеше Броја пред да биде изведен корнер, а судијата покажа на белата точка.
Жоржињо во негов стил потскокна при ударот и го измами Де Хеа, но и тоа не беше доволно за Челзи да ги освои бодовите во скромно дерби.
Каземиро погоди со удар со глава во последен момент, во 94. минута, а за погодокот помогна и сигнализацијата за гол, што е дел од модерната технологија.
Casemiro goal vs Chelsea (1-1) #mufc pic.twitter.com/AcvxeY2giW
— United Goals ⚽️ (@UnitedGoals__) October 22, 2022
Црвените ѓаволи имаа мала иницијатива во првото полувреме, а потоа како да ги пресече повредата на Рафаел Варан по речиси еден час игра.
https://twitter.com/obrempong__/status/1583878519704420352?s=20&t=teB23UD-72ICpdpVkwDgew
Стоперот на Црвените ѓаволи се повреди и со солзи во очите го напушти теренот, а се чека информација за тежината на повредата што може да му го загрози и настапот за Франција на Мундијалот во Катар.
https://twitter.com/UtdEIIis/status/1583879556745740289?s=20&t=teB23UD-72ICpdpVkwDgew
Челзи иако според коефициентите беше благ фаворит одигра лошо и домаќините имаа само еден директен удар кон голот на Де Хеа, па и со реми треба да бидат задоволни.
По 11 одиграни натпревари Челзи е на четвртото место со 21 бод, пред Манчестер јунајтед, кој е на петтата позиција со 20 бода, а пред нив се Арсенал со 27 и меч помалку, Манчестер сити со 26 и Тотенхем со 23 бода.
