Македонската фудбалска репрезентација денеска стартува во квалфикациите за пласман на Светското првенство во 2026 година. Ова е нов циклус и нови предизвици, но Македонија е со проверени сили, како на теренот, така и на клупата.
Селекторот Благоја Милевски сигурно нема да сака да експериментира, иако против себе ја имаме една од најслабите селекции во моментов. Лихтенштајн најчесто игра во формација 3-5-2, па така треба да биде и денеска.
Македонија ќе се потпре на проверени сили и на теренот ќе ги испрати оние во кои Милевски најмногу им веруваше и во изминатиот циклус од Лига на нации. Со четворица играчи во дефанзивна линија, како и со Барди и Алими пред нив да даваат сигурност, Македонија треба да ја продолжи низата без примен гол.
Во креацијата на нападот, а потоа и задолжени за голови треба треба да бидат Елмас, Чурлинов, Трајковски и Миовски. Едноставно кој и да биде на теренот, треба да го даде максимумот и да придонесе за радост по последниот судиски свирен на теренот во Вадуц.
