Откако министерката за здравство во Италија најави дека ќе побара да стопира првенството во Серија А, слични најави стигнуваат и од Англија. Според англиските медиуми, постои опција во скоро време да се прекинат натпреварите во Премиер лигата. Сепак, ваквата драстична опција засега е само размислување, а натпреварите во Англија се играат без никаков застој.
Во Италија најголем проблем претставуваат 14-те заразени во Џенова. Клубот каде што настапува капитенот на македонската репрезнетација Горан Пандев потврди дека има 10-мина заразени фудбалери. Челниците на клубот побараа да биде одложен дуелот против Торино затоа што сите во Џенова се во карантин.
Во Шпанија, Германија и Франција засега немаат поголеми проблеми со корона-вирусот и мечевите одат според предвидениот распоред.
