Манчестер сити одигра без голови на гостувањето во Дортмунд кај Борусија во мечот кој имаше можеби и најизненадувачки резултат од сите средби кои вечерва се играа во Лигата на шампионите. Иако се работи за два екипи кои негуваат напаѓачки фудбал, на крајот немаше голови, а сите по мечот делуваа задоволно.
Сити е сигурен во следната фаза, а Милионерите од Дортмунд го освоија посакуваниот бод на овој дуел. Гостите од Манчестер можеа и да победат, но Ријад Марез промаши пенал во второто полувреме.
Токму овој утнат удар од белата точка го прави тимот на Пеп Гвардиола најголем промашувач на пенали. Откако е почната сезоната 2016/17, Сити вечерва по 25-ти пат успеа да не погоди од пенал, што е најмнгоу од сите останати премиерлигаши во Англија.
25 – Since the start of 2016-17, Man City have failed to score 25 penalties in all competitions, more than any other Premier League side. Wasteful.
— OptaJoe (@OptaJoe) October 25, 2022
