Ривалството меѓу Лионел Меси и Кристијано Роналдо трае повеќе од 15 години. Тоа се двајцата фудбалери кои речиси две децении се во врвот на светскиот фудбал и поставија рекорди кои тешко дека во скора иднина некој ќе успее да ги сруши.
По 20 години играње во европски гиганти, Роналдо реши кариерата да ја продолжи во Саудиска Арабија, потпишувајќи договор со Ал-Наср. Со заминувањето на Роналдо од европскиот фудбал, се стави крај и на ривалството кое тој го имаше со Меси.
Сепак, се појави надеж дека ова ривалство може да продолжи, откако во официјалната продавница за сувенири на Ал-Хилал се појави дрес со бројот 10 на Меси. Ал-Хилал е голем ривал на Ал-Наср во првенството на Саудиска Арабија и ќе биде вистинска сензација ако се случи Меси да биде нивни играч во скоро време.
🚨 Lionel Messi’s shirt at Al Hilal’s official store who, are the biggest rival of Al Nassr in Saudi Arabia. 👀🧐 pic.twitter.com/fpDMpJMDLS
— Naimul Rafin (@nhrafin_00) January 1, 2023
