Бразил по 12 години дочека да се израдува на трофејот во Копа Америка. Кариоките до титулата стигнаа со шест победи во шест меча. Во текот на целиот турнир, Бразил прими само еден гол, и тоа во финалето, кога од пенал прецизен беше Пауло Гереро.
Освен тој пенал, кој беше неодбранлив, голманот на Бразил, Алисон Бекер, бранеше перфектно, па на крајот заслужено и ја освои наградата Златна ракавица на Копа Америка. Неверојатно, но за Бекер ова е трета Златна ракавица само за два месеца.
Бразилскиот голман претходно беше прогласен за најдобар голман во Премиер лигата, но и во Лигата на шампионите. Со Ливерпул, Бекер се радуваше на титулата во елитната лига на УЕФА, додека во домашното првенство мораше да се задоволи со второто место, зад шампионот Манчестер сити.
Освен овие признанија, во текот на сезоната Бекер успеа на 39 меча да ја сочува својата мрежа незатресена.
Alisson Becker in 2018/19:
CL Winner
Copa America Winner
PL Golden Glove
CL Golden Glove
Copa America Golden Glove
39 clean sheets for LFC and Brazil
Clean sheet in the CL finalHow much does a goalkeeper need to do to be in the discussion for ballon d’or?
— #GoalDiggersPodcast (@GoalDiggersUK) July 7, 2019
Сите овие признанија и титули го прават Алисон Бекер како еден од кандидатите за освојување на Златната топка, која ја добива најдобриот фудбалер за изминатата сезона. Иако има импресивни бројки зад себе, голманот е преногу скромен, па дури и самиот вели дека не ја заслужува наградата.
„Јас сум само голман и сум ограничен на вршење само на мојата работа. Секогаш се трудам да ја завршам што е можно подобро. Што се однесува за наградата, има многу врвни играчи кои ја заслужуваат таа награда“, рече Бекер.
Последен пат голман ја има освоено Златната топка во далечната 1963 година, кога за најдобар беше прогласен легендарниот чувар на мрежата, Лав Јашин.
