Пасквале Бруно, некогашниот фудбалер на Јувентус, остро го критикуваше Португалецот Кристијано Роналдо. На Бруно му пречи што Роналдо и по повеќе од две години престој во Јуве, уште не го научил италијанскиот јазик. Според Бруно, ова е непочитување кон соиграчите и кон државата Италија во целост.
„Роналдо се однесува игнорантски. Две години е во Италија и уште не го научи нашиот јазик, комуницира на шпански. Не ги почитува соиграчите и Италијанците“, изјави дефанзивецот Бруно, кој во кариерата има играно и за други клубови, а за Старата дама одигра 100 натпревари и во 1990 година го освои Купот на УЕФА.
