Атлетико Сан Жорге со 5-0 го победи Хулио де Берабеву во меч од полуфиналето на локален куп во Аргентина. Играчите на поразениот тим беа нервозни поради немоќта да се справат на теренот, а најлош беше Мартин Коста, кој во еден момент едноставно доживеа „помрачување“ и почна да ги тепа противничките играчи.
Целиот инцидент се случи во моментите кога еден соиграч на Мартин Коста поради остар старт, доби директен црвен картон. Додека судијата ја решаваше таа ситуација, на 20-тина метри Коста почна да дивее. Иако не се гледа на снимката, во еден момент на тревата се двајца играчи, а разулавениот Коста напаѓа еден од паднатите играчи на земја.
Во моментите кога притрчуваат уште двајца играчи на противничкиот тим, Коста во стил на боксер веднаш ги удира директно во лицето. Судијата му даде црвен картон, а соиграчите едвај успеаја да го смират играчот кому „му се споија жичките“.
