Тренерот на Фенербахче, португалскиот стручњак Жозе Мурињо, ја наведе причината зошто мисли дека Пари Сен Жермен не може да ја освои Лигата на шампионите, и покрај многуте вложувања во тимот.
„Зошто ПСЖ не може да успее во европските натпреварувања? Затоа што играјќи во Франција, тимот не може да се подготви за она што ќе го чека во европските купови со гигантите. Јас го имам истиот проблем. Понекогаш градам тактики за натпреварите во Турција, размислувајќи за противниците во европските купови. Тоа што го правиме тука во лигата, тешко е да се примени и на натпревари со странски клубови“, изјави Мурињо.
