Манчестер јунајтед се мачеше, но на крајот успеа да го скрши отпорот на Јанг бојс на „Олд Трафорд“. Белгискиот репрезентативец Фелаини погоди во судиското надополнување и донесе победа од 1-0, што значи дека англискиот гигант обезбеди место во нокаут-фазата од Лигата на шампионите.
Чудна беше реакцијата на менаџерот на „црвените ѓаволи“, Жозе Мурињо, по постигнувањето на голот. Наместо да се радува, Специјалиот започна да фрла и крши. Настрадаа шишињата со вода кои беа покрај Мурињо.
