Тренерот на Рома, Жозе Мурињо, се пошегува дека единствен тренер на светот кој може да биде целосно задоволен од составот што го има на располагање е неговиот колега Маурисио Покетино од ПСЖ.
До крајот на преодниот рок останаа уште шест дена, а Мурињо даде свое мислење околу тоа дали му треба уште некој играч во средниот ред за комплетирање на составот.
„Можно е и некој да дојде, и некој да си замине, иако во моментов поверојатно е да има заминувања. Дали знаете некој тренер што е целосно задоволен со составот што го има? Можеби Покетино, но никој друг“, изјави Мурињо.
