Инцидент на четвртфиналниот меч на Ролан Гарос меѓу Лоренцо Музети и Френсис Тиjафо предизвика бура реакции во тениската јавност.
Во текот на мечот, Музети случајно ја удри со топче во градите една од линиските судијки, откако го шутна со нога. Иако ситуацијата изгледаше сериозно, и дури и Тијафо реагираше сугерирајќи на прекршок, судијата на мечот му изрече на Музети само опомена – без дисквалификација.
Lorenzo Musetti received a warning for unsportsmanlike conduct after this incident 😳 #RolandGarros pic.twitter.com/ted26XaBUv
— TNT Sports (@tntsports) June 3, 2025
Овој потег предизвика споредби со познатиот случај на Новак Ѓоковиќ од Отвореното првенство на САД 2020, кога српскиот тенисер ненамерно удри линиски судија со топче, што тогаш резултираше со негово исклучување од турнирот.
Djokovic accidentally hits a line judge — defaulted instantly.
— Shane (@Shanegupta22) June 3, 2025
Musetti does the same, no action taken.
If it were Novak, media would erupt, narratives would burn, and he’d be tennis’ villain of the day.
The double standards aren’t just real, they’re loud.@DjokerNole #Djokovic pic.twitter.com/jtKc0YmeRg
Разликата во третманот на двата случаи предизвика лавина коментари и сомнежи за недоследна примена на правилата. Многу навивачи и медиуми, особено во Србија, реагираа остро, прашувајќи се зошто тогаш Ѓоковиќ беше строго санкциониран, а сега Музети помина без последици.
Без оглед на инцидентот, Музети го продолжи мечот и славеше над Тијафо со 6-2, 4-6, 7-5, 6-2, обезбедувајќи го своето прво полуфинале во Париз.
