Мечевите од третото кошаркарско коло кое требаше да се игра престојниот викенд најверојатно ќе бидат одложени, и тоа по барање на Министерстовото за внатрешни работи. Од МВР до Кошаркарската федерација на Македонија пристигна барање да бидат одложени кошаркарските мечеви кои требаше да се играат во период од 14 до 20 октомври.
Причина за одложување на кошаркарските мечеви се Локалните избори кои в недела на 19 октомври ќе се одржат во Макеоднија.
Според првичниот план, в недела требаше да играат: Чаир 2030 – ТФТ Скопје, Феникс 2010 – МКК Куманово, Ангели – МЗТ Скопје Аеродром, Маџари – Пелистер, Кожуф – Гостивар, Работнички – Тиквеш.
