МЗТ Скопје Аеродром славеше на гостувањето во Тиват против Теодо со 70:65, во меч од петото коло во кошаркарската АБА 2 лига. Оваа победа на аеродромци е пирова затоа што уште пред да започне овој меч ги загубија шансите да бидат меѓу првите две екипи на табелата, затоа што Цедевита победи на гостувањето кај Хелиос Домжале со 80:78.
По пет кола, Цедевита и Хелиос Домжале имаат по четири победи и само еден пораз, МЗТ Скопје Аеродром е трет со две победи и три порази и Теодо е последен со пет порази.
Фуриозно започна МЗТ и поведе со 17:0, а пред крајот од првата четвртина водеше и со 30:5. Сепак, Теодо не се предаде и во втората четвртина намали на шест разлика (41:35). Во речиси целата трета четвртина МЗТ имаше двоцифрена предност, а на почетокот од последната четвртина беше 55:46 за македонскиот првак.
Тогаш домашниот тим со серија од 11:1 за прв пат стигна и до водство од 57:56 во 36 минута и најави неизвесна завршница, во која на крајот сепак МЗТ Скопје Аеродром не дозволи да направи кикс стигна до втората победа сезонава, која на крајот се покажа како пирова.
