МЗТ Скопје Аеродром извојува победа над Подгорица од 76-75 во луд меч од АБА 2 лигата.
Металците добро почнаа и ја добија првата четвртина, но потоа црногорскиот тим беше подобар и го контролираше резултатот. Македонскиот првак постојано беше во негатива во цело второ полувреме, но со кош на Адем Мекиќ на 1,5 секунди до крајот извојува значајна победа.
При 75-74 за Подгорица, Црногорците утнаа две слободни фрлања и му дадоа шанса на МЗТ.
Пред два дена, Мекиќ беше трагичар со две утнати слободни фрлања по кои МЗТ прими кош и загуби од Сутјеска.
Милошевиќ со 15 и В. Стојановски со 14 поени беа најефикасни кај МЗТ, а по 10 уфрлија Мекиќ и Рикиќ.
