Прв пораз сезонава за МЗТ Скопје Аеродром, Металците загубија во Загреб од Цедевита јуниор со 75-77 по продолжение од пет минути, откако во регуларниот дел средбата заврши 68-68.
МЗТ доминираше во првото полувреме, но тимот драстично подна во нападот во вториот дел. И покрај проблемите во нападот, МЗТ можеше да победи, имаше последен напад при 68-68, но не го искористи, Американците Едвин и Слај кои беа најефикасни со 26 односно 17 поени, не погодуваа.
Во екстра периодот Цедевита јуниор тргна подобро, МЗТ врати, и пак се влезе во егал завршница во која македнскиот првак не се снајде, не беа реализирани последните два напади и поразот беше неминовен.
Следниот меч на МЗТ во АБА 2 лигата е за 13 дена во Скопје против словенечки Хелиос.
