МЗТ Скопје е во голема криза и кадровска и играчка, а по поразот од Борац Чачак и во резултатска, што ги доведе на дното од АБА лигата.
Гостите од Србија лесно ги освоија бодовите со победа од 81:73, откако на полувреме имаа и предност од 15 поени разлика, 50:35.
МЗТ успеа да се приближи на минимална негатива во второто полувреме, но потоа загуби сила и забележа и осми пораз во десет кола што е за аларам и за делба на последното место, токму со Борац и со Сплит, кој има меч помалку.
Страхиња Мичовиќ и браќата Дамјан и Војдан Стојановски единствени се обидоа да пружат отпор, но тоа беше малку за победа.
Мичовиќ постигна 14 поени, Дамјан 13, а Војдан Стојановски 11 поени. Кај гостите Хантер Хејл беше незадржлив со 22 поени.
