Актуелниот македонски кошаркарски првак МЗТ Скопје Аеродром пред празни трибини ќе биде домаќин на Еуро Никел, во меч од петото коло на Прва лига. Ова ќе биде и дерби на колото затоа што тоа се двете екипи кои се на првите две места на табелата во моментов.
Аеродромци на свој терен секогаш се фаворити, а и традицијата е на страната на МЗТ Скопје затоа што има 10 победи во низа против денешниот ривал. Од тие 10 победи, дури седум биле со двоцифрена разлика, а овојпат „хендикепот“ во Sport Life е поставен на 7,5 поени.
Кожув во Гевгелија е домаќин на ТФТ Скопје, а во Скопје се игра градски дуел меѓу Вардар и Работнички, каде гостите не би требало да имаат проблеми да стигнат до двата бода.
Нема дилеми дека Пелистер ќе слави во Битола против Охрид, а интересно може да биде во Гостивар каде домашниот тим го пречекува Феникс 2010.
