Македонскиот кошаркарски првак МЗТ Скопје Аеродром вечерва на гостувањето кај Кожуф во Гевгелија ја започнува одбраната на титулата во домашното првенство. Аеродромци веќе со години доминираат на домашната сцена, а според составот кој го имаат, тие сигурно се главни фаворити за трофејот и во новата сезона.
Традицијата е на страна на МЗТ Скопје Аеродром бидејќи тие имаат дури 14 победи по ред во пресметките со Кожуф во последните четири и пол години.
Освен овој меч, денеска ќе играат и Вардар против Охрид и тука предвидувањата се дека домаќините ќе победат и тоа со двоцифрена разлика.
