Кошаркарите на МЗТ Скопје го доживеаја 14-тиот пораз во 16-то коло во АБА лигата откако на домашен терен загубија со 86.90 од Будуќност.
Металците лошо го започнаа натпреварот, дури пет и пол минути не постигнаа поени и првата четвртина ја загубија со 10:20 и буквално до последната минута од средбата ја бркаа предноста на Будуќност.
Тие од четвртина во четвртина ја намалуваа предноста и драмата кулминира во последната четвртина кога благодарение на Дамјан Стојановски кој даде 11 поени, на 2:23 минути до крајот кога МЗТ Скопје за прв пат дојде до израмнување (76:76).
Тројката која ги крена на нозе домашните навивачи ја постигна токму Дамјан Стојановски. Каба погоди за Будуќност, но Абу повторно израмни. Бел-Хејнс ги погоди двете слободни слободни фрлања за 78:80, а во последната минута Будуќност дојде и до пет поени предност по тројката на Грин.
Војдан Стојановски намали на 80:83, но Будуќност врати преку Бел-Хејнс. Војдан даде тројка на 20 секунди до крајот по што следеше брза лична грешка, но Бел-Хејнс беше сигурен од линијата за слободни фрлања. Во следниот напад Кефи направи лична грешка со што беа урнати шансите за изненадување бидејќи Бел-Хејнс од линијата за слободни фрлања за 83:88. Војдан постигна три поени, но тоа беше се што можеа Металците да направат.
Најдобри во редовите на МЗТ Скопје беа Војдан Стојановски со 20, Малик Абу со 19 поени и 10 скока, Дастин Вер со 16, Дамјан Стојановски со 13 постигнати поени. Кај Будуќност најдобри беа Бел-Хејнс со 22 поени, Грин со 18 и Каба со 14 поени и 17 скока.
Во следното коло МЗТ Скопје идната сабота му гостува на Студентски центар.
