Ливерпул и Челзи одиграа 0-0 во премиерлигашкото дерби кое ќе се памети како 1.000-ти меч на Јирген Клоп во тренерската кариера и по дебито на Михајло Мудрик кој за половина часа игра покажа зошто за него се плати отштета од 100 милиони евра.
Клоп има само 6 победи на 20 меча против Челзи, а првпат се случи во дуелите на овие два тима, три меѓусебни средби по ред во првенството да им завршат нерешено.
Мудрик е деветтиот Украинец што заиграл во Премиер лигата, а втор во Челзи после Андриј Шевченко. Младиот Мудрик импресионираше со својата брзина, а потврди и дека е добар дриблер.
Во првото полувреме на гостите од Лондон им беше поништен гол, а Мудрик ја имаше една од најубавите шанси во вториот дел откако ја измеша противничката одбрана. Погледнете го слаломот на Михајло кој заврши со одбрана на Алисон:
MUDRYK SO CLOSE TO OPENING THE SCORING! #LIVCHE pic.twitter.com/vIL5hAl55m
— The Premier League Club (@TPLCSports) January 21, 2023
