После победата на ПСЖ против Арсенал од 1-0 во северниот дел на Лондон, пресметано е дека шансите за пласман во финале изразени во проценти се 78-22 за францускиот тим.
Историјата покажува дека на Арсенал ќе му треба мало чудо. Овој клуб никогаш (имал пет обиди) не победил во нокаут рунда во која загубил на првиот меч дома. А, од друга страна ПСЖ само еднаш бил елиминиран откако победил на гости на првиот меч.
На Арсенал ќе му требаат повторување на настани од 2019 година во кои беа вклучени англиски клубови. Тогаш ПСЖ загуби дома со 1-3 и беше елиминиран од Манчестер јунајтед после победа на парижаните на „Олд Трафорд“ од 2-0. Истотака во таа 2019 е еден од само двата случаи во историјата кога тим што загубил дома во полуфинале на првиот меч, влегол во финале на ЛШ, тоа му успеа на Тотенхем против Ајакс.
