На Баварците пред четири години Роналдо им беше стар, а сега би го купиле

Кога Реал Мадрид му го продаде Кристијано Роналдо на Јувентус за 100 милиони евра, многумина мислеа дека Кралскиот клуб евтино го продал својот прв стрелец во клупската историја, а од Баерн Минхен велеа дека не би дале толку пари за 33-годишен фудбалер.

Извршниот директор на Баерн, Карл-Хајнц Румениге, во 2018 година изјави дека клубот никогаш не би платил толку многу пари за 33-годишник и дека на Јувентус целта му била да заработи од маркетинг. Лани Румениге „ја смени плочата“ и искажа многу пофални зборови за Роналдо, кој игра на високо ниво и на 37-годишна возраст.

Сега се појави шпекулација дека Португалецот не е среќен од пасивноста на Манчестер јунајтед во преодниот рок и плус ако остане кај Црвените ѓаволи, ќе треба да игра во Лигата на Европа, па размислува за заминување.

Една од опциите е да се пресели во Баерн, на местото на Роберт Левандовски, кој сака да оди во Барселона. Роналдо никогаш не играл во Германија и тоа може да му биде мотив. Покрај тоа, сака да освојува трофеи, а со Баерн барем бундеслигашката титула делува како „зицер“. Освен Баерн, за Роналдо се интересираат и ПСЖ и Рома.

- Оглас -

Најнови вести