Атлетико Мадрид повторно победи по стариот и добро испоробан рецепт на Диего Чоло Симеоне, а вечерва „жртва“ беше Елче.
Популарните Јорганџии славеа против фенерџијата во Ла Лига со 2:0, а двата гола ги дадоа во второто полувреме.
Тоа е заштитен знак на Атлетико од кога е под команда на Симеоне, а често победува со Х-1, кажано со обложувачки речник.
Најинтересниот момент се случи во 74-тата минута, кога Алваро Мората погоди за конечни 2:0, а немаше поим дека е стрелец.
Шпицот на Атлетико по стартот на Клерк падна на тревникот, се жалеше дека е повреден и воопшто не виде дека ја погоди мрежата, па и не знаеше дека е стрелец.
https://twitter.com/stighefootball/status/1608588014590255105?s=20&t=cI_tfSdNAqRrM_G9nKzpUw
Веднаш штом сфати дека дал гол, стана како да не било ништо и се радуваше со соиграчите, што беше комична ситуација на „Ванда Метрополитано“.
Антоан Гриезман дури и му објаснуваше на Мората на кој начин ја затресе мрежата на гостите.
Елче издржа едно полувреме, а клучен момент веројатно беше исклучувањето на Верду во првата минута од судиското продолжение на првиот дел.
Атлетико нападна и постигна прв гол во 56-тата минута, иако и тие три минути претходно останаа со 10-мина играчи откако Хермосо доби втор жолт картон и беше автоматски исклучен.
Жоао Феликс беше стрелец само 180 секунди подоцна и тоа му е четврти гол вкупно на последните три натпревари, што му е најдолга серија на погодоци како играч на Атлетико.
3 – Atlético de Madrid's Joao Félix has scored in each of his last three appearances in LaLiga (four goals on aggregate), his longest run scoring in the competition. Inspired. pic.twitter.com/LQxakkLAhY
— OptaJose (@OptaJose) December 29, 2022
