Најубавиот гол во историјата на Премиер лигата денеска слави 24 години откако е постигнат. На втори март 2002 година на „Сент Џејмс парк“ играа Њукасл и Арсенал, а ѕвездата на Топчиите и еден од најдобрите холандски фудбалери во историјата, Денис Беркамп, изведе магија и успеа да го совлада голманот на Страчките, Шеј Гивен.
Неколку години подоцна, овој гол беше прогласен за најубав во историјата на Премиер лигата, а тогашниот тренер на Њукасл, сер Боби Робсон, рече: „Никој од мојата екипа не може да биде крив што Беркамп го направи овој чудесен потег“.
