На „Џузепе Меаца“ ќе нема игла каде да падне

За дуелот од ЛШ помеѓу Интер и Тотенхем продадени се 60.000 билети, а наскоро бројката ќе дојде и до 70 илјади

Навивачка треска ги фати навивачите на Интер од Милано, кои за првиот домашен меч од Лигата на шампионите, на 18-ти септември со Тотенхем, ќе го исполнат стадионот „Џузепе Меаца“ можеби до последно место.

Од клубот објавија дека по првиот ден на продажбата, продадени се дури 60.000 билети, а според интензитетот на продажбата, наскоро бројката ќе дојде и до 70 илјади.

Слободни места може да се најдат само зад едниот гол, и тоа во највисокиот прстен од трибините на стадионот, како и во првите редови од централните трибини.

Поранешниот европски првак Интер шест и пол години не играл во Лигата на шампионите, па фановите со нетрпение го исчекуваат камбекот во елитното друштво. Интер е во една од најсилните групи во ЛШ, заедно со Барселона, Тотенхем и ПСВ Ајндховен. Сигурно е дека одлична посета ќе има и кога Барса и ПСВ ќе гостуваат во Милано, но за 12 дена против лондонскиот тим сигурно атмосферата ќе биде пеколна.

- Оглас -

Најнови вести