Кристијан Ериксен ќе мора да носи дефибрилатор кој ќе му го следи работењето на срцето откако пред неколку дена Данецот преживеа срцев удар среде натпреварот меѓу Данска и Финска.
Фудбалерот на Интер закрепнува постепено, но по совет на докторот на репрезентацијата, Мортен Боесен, одлучено е дека овој уред му е неопходен на Ериксен со цел да се следи неговата состојба.
„По серијата прегледи на срцето, одлучено е дека на Кристијан треба да му се вгради уред за следење на работата на срцето. Неопходно е по претрпениот удар да се следи ситуацијата бидејќи имаше нарушување на ритамот на срцевиот мускул. Ериксен го прифати предлогот на повеќе национални и меѓународни експерти, сега ја молиме јавноста да го остават Кристијан и неговото семејство во мир и приватност“, истакна докторот Боесен.
Update regarding Christian Eriksen.
Danish version in next tweet. pic.twitter.com/a4Ra97xUXP
— DBU – En Del Af Noget Større (@DBUfodbold) June 17, 2021
