Фудбалскиот гигант Бока јуниорс вторпат во краток рок е во фокусот во Аргентина и пак во негативен контекст и повторно не по нивна вина.
Откако пред една седмица им беше прекинат мечот со Гимназија Ла Плата како гости, поради големите инциденти пред стадионот „Хуан Кармело Зермилјо“ и внатре, а имаше и една жртва во судирот меѓу домашните навивачи на Гимназија и полицијата, вчера пак имаше инцидент на ново гостување на Бока јуниорс во аргентинското првенство.
Полицаец, за кого сè уште не се знае дали вистина е член на припадниците за одржување на јавниот ред и мир, успеал да влезе на стадионот „Ева Перон“, каде што Сармиенто му беше домаќин на гигантот, и неовластено дури и се симнал на теренот и барал автограми од гостинските играчи.
Фатен е на камера како го принудил играчот на Бока, Лука Лангони, да му се потпише на раката.
Лангони беше стрелец на единствениот гол на мечот за победа на Бока јуниорс од 1:0, а во чудната ситуација реагирало обезбедувањето на стадионот.
Утврдено е дека полицаецот воопшто не бил дел од обезбедувањето или од полицискиот кордон за мечот меѓу Сармиенто и Бока, а има истрага и дали се работи за вистински или за лажен полицаец.
Insólito! El policia que se hizo firmar el brazo por Langoni cuando finalizó el partido fue demorado por la policía local. Ingresó sin autorización y NO pertenecia al operativo de seguridad. En estos momentos están averiguando si realmente pertenece a la fuerza(@LuisFregossi ) pic.twitter.com/womwOPsJ4S
— Mundo Boca Radio/TV (@mundobocaradio) October 12, 2022
Бока по 24 одиграни натпревари е лидер во Аргентина со 48 бода пред вечниот ривал Ривер плејт со 44, колку што имаат и Расинг и Атлетико Тукуман.
