Европското првенство во Германија полека влегува во возбудливиот дел од групната фаза. Има уште многу средби да се играат, многу калкулации се во оптек, а во третото коло ќе бидат познати сите непознаници.
Интересно е дека на ова ЕП, може да се случи историски момент, а тоа е во групната фаза патникот за следната фаза да се бара по изведување на пенали. Според правилата на УЕФА, пенал-лотаријата може да одлучува само во една ситуација.
Ако две екипи имаат директен дуел за место во осминафиналето, а по завршување на 90 минута се случи да имаат ист број на бодови, како и израмнета гол-разлика (ист број на дадени и примени голови).
Засега само Германија и Шпанија си обезбедија сигурно место во нокаут фазата, а последното коло ќе биде навистина интересно и возбудливо, па може да се случи и пеналите да решаваат.
