Организаторите на Мастерсот во Мајами одлучија Новак Ѓоковиќ денеска својот меч да го игра во термин кој ќе биде идеален и за неговите навивачи во Србија и околината. Пресметката на првиот светски рекет против Шпанецот Роберто Баутиста Агут треба да почне околу 21 часот.
Пред нив, на централниот терен ќе играат Кајл Едмунд и Џон Иснер, дуел од кој победникот ќе игра со Ѓоковиќ или Баутиста Агут во четвртфиналето, а потоа уште еден меч во женска конкуренција.
Ноле има 7-2 во дуелите со 25-то рангираниот Баутиста, но на последните четири меча имаат 2-2. Баутиста славеше во полуфиналето во Доха оваа година, како и во Шангај во 2016 година, па Ѓоковиќ ќе има мотив за реванш. Последните победи на Србинот против Баутиста беа во Рим 2017 и на „Ролан Гарос“ минатата година.
