Менаџерот на Манчестер сити, Хосеп Гвардиола, ќе ја напушти функцијата во летото 2025 година, објави британски медиум.
Договорот на Шпанецот истекува летото 2025 година и потоа тој планира да го следи примерот на својот колега од Ливерпул, Јирген Клоп, и да направи една година пауза од кариерата. На одлуката на Гвардиола влијаеле и повеќекратните обвинувања дека Манчестер сити го крши финансискиот фер-плеј.
Гвардиола е во Манчестер сити од 2016 година. Освои пет титули во Премиер лигата, а минатата сезона ја освои и Лигата на шампионите. Гвардиола неодамна најави дека ако и оваа сезона освојат тројна круна (ЛШ, Премиер лига и ФА куп), ќе си замине уште летово бидејќи ќе нема мотивација за работа.
