Среда за малку не беше многу среќен ден за еден обложувач кој уплатил тикет во Гевгелија. Само со 70 вложени денари, потенцијалната добивка беше 146.138 денари.
Одиграни се осум меча, и тоа на ист принцип. На сите осум меча еден од двата тима ја имаше фаворитската улога и играта е да има „Двојна победа“. Тоа значи посочениот тим на полувремето да има предност, а потоа и во второто полувреме да даде барем еден гол повеќе од противникот, односно да ги добие двете полувремиња посебно.
Дури седум од осумте меча излегоа Двојна победа, и тоа: Глазговр ренџерс – Рос каунти 4:1 (2:0), Ајакс – Херенвен 5:0 (3:0), АЕК – Јанина 3:0 (2:0), Валур – ИА Акранес 4:0 (1:0), Вулверхемптон – Манчестер сити 5:1 (3:1), Спартак Москва – Јенисеј 3:0 (1:0) и Молде – Оддс 3:0 (2:0).
Двојна победа единствено не успеа да забележи ПСВ Ајндховен во дуелот со НАЦ Најмехен. Домаќините на полувреме водеа со 2:0 и имаше предуслов за Двојна победа. Во второто полувреме ПСВ поведе и со 3:0, па да останеше тој резултат, тикетот ќе беше добитен. Сепак, во последните 25 минути од дуелот гостите дадоа два гола, па резултатот од вториот дел е 1:2 за НАЦ. Тоа значи дека конечниот резултат 3:2 за ПСВ да не биде доволен за Двојна победа и тикетот кој имаше фантастичен вкупен коефициент од 2.087 за многу малку не е добитен.