Управата на Барселона заедно со тренерот Чави Ернандес одлучија каталонскиот тим да го засили средниот ред и на списокот на желби се наоѓаат само три имиња.
Весникот „Мундо депортиво“ пишува дека Барселона иако поради проблемите со финансискиот ферплеј има ограничени финансиски средства за трансфери, ќе се обиде уште во јануари да му ја исполни желбата на Чави и да го засили средниот ред.
На списокот на желби се наоѓаат само три имиња и се очекува едно од нив да пристигне на „Камп ноу“, тоа се Мартин Зубименди од Реал Сосиедад, Бруно Гимараиш од Њукасл и Едерсон дос Сантос од Аталанта.
The three defensive midfielders that Barça target:
– Martin Zubimendi
– Bruno Guimaraes
– Ederson dos Santos— @mundodeportivo pic.twitter.com/pKuhNps4wm
— Barça Universal (@BarcaUniversal) November 16, 2023
Најблиску до дресот на Барселона е Зубименди, кој е голема желба на Чави, а откупната клаузула изнесува 60 милиони евра.
Њукасл за Гимараиш бара 100 милиони евра, додека Аталанта би го продала Едерсон за 40-тина милиони евра.
