Некогашните соиграчи од Реал Мадрид, Кристијано Роналдо и Карим Бензема сега се сретнаа еден против другм и тоа како капитени на екипите на Ал-Наср и Ал-Итихад. Се играше на теренот на Ал-Итихад, но Ал-Наср на крајот се радуваше на триумф, и тоа убедлив со 5:2.
https://twitter.com/i/status/1739713308838486228
Со оваа победа Ал-Наср стигна до 43 бода и е втор на табелата со седум бода помалку од лидерот Ал-Хилал, додека Ал-Итихад остана на 28 бода и нема шанси да се бори за титулата.
Хамдалах ја отвори серијата голови во 14-тата минута за радост на домашните навивачи. само пет минути подоцна беше досуден пенал за Ал-Наср, а Роналдо погоди за израмнување. До крајот на првото полувреме Талиска им донесе водство на гостите од 2:1.
https://twitter.com/i/status/1739712694016676196
На почетокот на вториот дел, Хамдалах со својот втор погодок донесе ново реми, овојпат за 2:2. Клучниот момент на мечот беше во 67-мата минута, кога Фабињо направи непромислен потег и со рака удри противнички играч во шеснаесетникот и за тоа доби втор жолт картон, по што беше исклучен, а Ал-Наср доби втор пенал.
Роналдо повторно беше прецизен за 3:2, а потоа Ал-Наср со играч повеќе продолжи да доминира на теренот, па следуваа два погодоци на Садио Мане во 76-тата и 82-рата минута.
