Лионел Меси од сезона во сезона претрпува големи разочарувања во Лигата на шампионите. Во Париз дојде со намера да ја освои Европа, но ќе треба да почека некоја друга прилика.
Можеби посрамни беа елиминациите од Рома, Ливерпул и Баерн кои ги имаше со Барселона, но и оваа од Реал Мадрид ќе се памети, поради начинот на кој ѕвездениот тим на ПСЖ испадна.
На Меси првпат во кариерата му се случува две сезони по ред да испадне уште во осминафиналето на ЛШ. Лани со Барса беше елиминиран од ПСЖ, а сега со ПСЖ е елиминиран од Реал. Против Кралскиот клуб, Меси има серија од девет меча без гол или асистенција.
